手機、電腦舊左無用唔通掉去填海？電子產品係重金屬污染源頭，根據聯合國最新的報告，現代的電子及電器產品，至少含有60種化學及重金屬的有毒原料，例如水銀、鉛、鎘：須知道，小如一部手提電話，其電池含有的有害重金屬鎘，便足以糟蹋三分之一個奧運標準泳池的池水。各位不能掉以輕心，不可隨意亂棄，不如大家一齊討論，如何處理電子廢物嘅好方法啦！

話你知，咖啡杯隔熱紙圈，儲埋一堆可以砌潮人家具；沖涼水，儲埋一桶其實可以用來拖地，年中年頭又慳番一筆。日日有廢物，應該話日日都有野用得番；一齊發揮創意， 一齊發表意見。

犀利哥著舊衫可以成為潮人指標，我地係咪都好應該學下佢點樣將舊衫潮著呢？除左拎去回收，可能將外套剪袖，爛褲改短，舊衫都可以重生，話唔定下一個犀利哥犀利妹就係你。

日日收 Fax 落單用紙唔少，收貨又儲埋唔少紙箱，話就話可以回收，但最好都係用少啲。而家間間舖都一定用電腦，其實只要善用軟件，要無紙化或減少用紙真係話咁易，只要多動腦筋，商舖環保仲有大把空間發揮，仲有機會慳好多錢添！

一出膠袋稅，人人都話 BYOB 喇。不如再行多一步，例如自備外賣盒、電子月結單、儲衫一機洗......好多野都可以做少少，就減多多。人人都做，就減廢有望啦！

買埋咁多野，積埋唔少包裝盒，有時仲好大件仲靚過件產品。而家興自作業，不如就請教下呢班「手作達人」點樣將包裝盒變成實用日常用品啦。

一講裝修，一定有人話點可能環保。錯！其實只要你識揀建材，例如用再造物料生產之地板牆磚，搞裝修都可以好環保，利己利人，何樂而不為？

傢俬用耐左又殘又舊，唔一定要掉左佢，只要識翻新隨時變經典。又或長遠計，買再造物料製造之傢俬，日後處理可減低環境損害，實行良心消費。

好多老闆係識慳人工，就係唔識點樣減廢去節省開支。用電腦收 e-Fax、唔開咁多 OT… 不如大家一齊諗諗計，諗下點樣減少廢物， 一年終頭慳電慳紙，慳埋慳埋，老闆又開心，仲有可能將慳到嘅回饋比員工，又對環保有貢獻，如此良心經營，值得推廣！